Yangi yilga bir necha kun qoldi. Siz albatta mevalar, shirinliklar xarid qilishingiz tabiiy. Mevalardan eng mazali desert tayyorlash ham bir san’at. Maslahatimizda uzumdan qanday qilib bayramona desert tayyorlashni bilib olishingiz mumkin.

facebook.com/maslahat.uz
http://maslahat.uz/uz/yangi-yil-deserti

• Yangi yil
• Desertlar
• maslahat
• Maslahat.uz

Ona tilingizdan tashqari xorijiy tillarni ham mukammal bilish bu sizning yutug’ingiz, ayniqsa ish faoliyatingizda, sayohatlarga chiqqanda sizga bu juda ham qo’l keladi. Ba’zan til o’rganish uchun kishida ozgina tajriba yetishmaydi va shu bois har doim ham yaxshi natijalarga erishish bir muncha qiyinlik qiladi. Chet tilini o’rganishda yaxshi samaraga erishish uchun bir qancha usullar bor. Bulardan o’zingizga qulay bo’lganini tanlab oling. Bu til o’rganishingiz uchun tez va oson natijaga erishishga yordam beradi.  http://maslahat.uz/uz/chet-tilini-samarali-organish-usuli

facebook.com/maslahat.uz

• Maslahat.uz
• maslahat yozish
• kurslar
• ta'lim

  O’zgalardan yaxshilik va siz kutgandek muomala qilishlarini istaysizmi? “Oddiy hayot tenglamasi”ga rioya qiling.
Ya’ni:

                        0 = 0
3 * yaxshilik = 2 * yaxshilik +  yaxshilik 


Matematika darsidan bilamizki, tenglamada tenglikning ikki tomoni har doim teng yuradi. Hayotni ham xuddi shu formula singari tasavvur qiling. Tenglikning bir tomonida siz qilgan amallar tursa, ikkinchi tomonida o’zgalarning sizga bo’lgan munosabati turadi. Biz hayotda qanday ko’rinsak, boshqalar ham bizga shunday ko’rinadi. Bu oddiy hayot qonunidir. Shu sabab jamiyatdan yaxshilik, hurmat-e’tibor va izzat topishimiz uchun, dastavval shu narsani jamiyatga o’zimiz taqdim etishimiz lozim. http://maslahat.uz/uz/yaxshilik-qilish-oddiy-hayot-tenglamasi   

Facebook.com/maslahat.uz

• Maslahat.uz
• hayot
• psixologiya

(Бир байт шарҳи)

Табиат гўзал қилиб яратилган. Шу коинот ичра инсон, шубҳасиз мўъжизадир. Унинг икки кўзи, қоши, забони ниҳоятда нафис, бетакрор...
Ҳаётдан мўъжизалар излаймиз, аслида бу борлиқ, инсон ва унинг қалби шундай мўъжизаки, ақл бундан ҳайратдадир. Фикрларимизни севимли адибимизнинг шундай байтлари мисолида далиллаймиз:



Жаҳоннинг меҳри иккидур: бири – сенсан, бири – офтоб,
Тарозу палласи икки: бири Ердур, бири Гардун. 1

• nazm

(Nay tilidan)

Har olgan nafasda sog'indim Rabbim,
Cho'llarda qaqragan yantoq misoli.
Ildizim yerning ostidadir, men,
Hamon sog'indim tomchi visolin.

• nazm

Устоз Жаъфар Муҳаммаднинг
"Ҳар чи гўям" шеърларининг таржимаси

Мушк истасам, мушки соро Сен эрурсан,
Мулк истасам, мулки Доро Сен эрурсан.

Ҳар не десам, аввали исминг эрур,
Қайга боқсам, нигоро, Сен эрурсан.

Ошкораю, бироқ кўздан ниҳон,
Ноаён, лек ошкора Сен эрурсан.

Мани муслимлигимда юз куфр бор,
Чун яҳуду ҳам насоро Сен эрурсан.

Ошиқ эрурман бу олам ҳуснига,
Унда ҳусни оламоро Сен эрурсан.

Ман Бухоро учун жон фидо этай,
Чунки шаҳри Бухоро ҳам Сен эрурсан...

Кавсар таржимаси 

Хаёл ичра сузганим кўриб сиз парво айламанг,
Каъбадек кўнгил уйин шубҳага раво айламанг.

Шайхи Санъон учун бунча, сиз тавалло айламанг,
Тарсолиқдин жудо айлаб, ани порсо айламанг.

Мажнуни Қайсни кўриб, ани мудово айламанг,
Васлдин айру фироқни ошиққа  раво айламанг.

• nazm

Кўнглим дардига даво йўқ, ишқингда овораман,
Улус  аро йўқ тоқат ки,  дашт сари равонаман.

Алифдек бу қоматим дол, куйдирди-ку фироқинг,
Ман ҳажрингда дилафгору ҳам дили садпораман.

Висолки ҳушдин айирмиш Лайлини Мажнун каби,
Мен-ку васлингда бир гадо, фақир, ҳам бечораман.

Жаҳон кезганда эй, кўнгил ватан сари тортасан,
Ман кулбамға етолмасдин, жаннатда бегонаман.

Бошима келса ишқ тиғи, жоним нисор этгаймен,
Андин ўзга йўқ бисотим, ман ғариб сайёраман.

Бир замон кўкдан кўнглима ишқинг шуъласи тушди,
Исминг сеҳру шавқидин шул лаҳзадин девонаман.

Эй ошиқлар, сиз бу Кавсар ишқидин сўз очмангиз,
Куйдирса ҳам ишқ аро ишқ ўтида парвонаман.

Кавсар (с)

Эй, гул, ажиб қушсан ўзинг, гуллар томон тушди йўлинг,
Оламни босди ғулғулинг, келгил пару болдан жудо.

Эй, гул, боқиб бул борига, кулдинг жаҳон аҳволига,
Йиртиб либос чок-чокидан, маккорсан, лаълин қабо.

Гуллар ёқар, гулдир фалак, тортиб фиғону нолалар,
Нарвон керак бўлса агар, жонингни истайди бало.

Боргил ўтиб тоқу табоқ, йўлларни йўлсиз кеч, бироқ,
Гулобгар шишасидек ё руҳ ҳам жоми само.

Эй, муқбалу мафтун-да сиз, эй, чеҳраи гулгун-да сиз,
Биз ҳам эдик сиздек ва биз руҳ бўлдик охир, ас-сало!

Бу гулшакардан муддао Ҳақ лутфидир — лутфи Худо,
Эй, бормисиз, оҳан сифат, Ҳақ лутфидир оҳанрабо.

Оҳан олар ойинагар, захм етказар унга шарар,
Истармисиз бизни магар, сизни бу сиз кўрдим раво.

Мушкин калом кўнглум маним, поёни йўқ бу сўзниким,
Очмам оғиз ҳеч кимга, жим, ҳар неки айтдинг дилрабо.

Эй, Шамс Табризий, дегил, шоҳларнинг асрори недир?
Ҳарфу садою рангсиз ҳам шамссиз йўқдир зиё.

Форсий тилдан шоир Асқар Маҳакм таржимаси

Эй, бод, боди сабо, гулга дегил биздан сало,
Эй, гул, қочиб шаккарга бор, бўлсанг бу гулшандан хато.

Эй, гул, азал шаккар эдинг, ундан-да ё баттар эдинг,
Шаккар хушу гул ҳам хушу ундан-да шириндир вафо.

Шаккар юзига юз қўйиб, лаззатланиб, сархуш бўлиб,
Шаккаристонга умтилиб боргилки аччиқдир фано.

Энди бўлибсен гулшакар, дил қуввати, нури назар,
Гулдан қилиб дилга сафар, бул қайда, ул қайдан ато?

Хор бирла бўлдинг ҳамнишин, худ ақл жон бирла қарин,
Осмонга бор, недир замин, манзил ба манзил то лиқо.

Махлуқ сири сенга аён, пинҳон борурсан ноаён,
Бўстон у ён, бўстон бу ён, ҳар сорида наққош Худо.

(ғазалнинг давоми бор)

Осмонни севаман, тиниқ осмонни,
Энг сара шеърларим унга аталган.
У менинг сирдошим, беғубор, юксак,
Нигоҳим уфқлари сари қадалган.

Осмонни севаман, тиниқ осмонни,
Қушлар парвозига этаман ҳавас.
Қатра жо этгандай чексиз дунёни,
Қалбим туйғуларга торлик қилар бас!

Орзуларим рангин эслатар само,
Оғуши бағри кенг халқимга ўхшар.
Офтобида Ватан, севги тафти бор,
Шу сабаб самога интилар башар.

2004 (с)

Маъюсгина кириб келар куз,
Тилларида ҳижрон навоси.
Йўлларимга хазон тўшар куз,
Осмон булут, ёмғир ҳавоси.

Шўх садолар тортмас дилимни,
Эркаланиб йиғламас юрак.
Қувонч ила кулиб юрганим,
Биламанки, кимгадир керак.

Хазонрезги, олтин япроқлар,
Ишқим каби ерга тўкилар.
Куз ёмғири яна томчилар,
Гўё само ишқдан сўкилар.

Куз ёмғири, ҳаяжонда қалб,
Фақат қувонч ҳадя этолмас...

2004 (с)

Камалакдир дунёнинг ранги,
Ювиларкан қалбларнинг занги.
Найнинг дарди экан жудолик,     
Шундан менга ёқар оҳанги.

Сени кўрган диллар эрур шод,
Сен томонга шошар эллар, шод...
Сенсиз куяр жаҳоним менинг,
Сен-ла ўтган ҳар бир йиллар шод...

Кавсар (с)

Subhidam sochingiz silasa sabo,
Bilingki siz uchun salom yo'lladim.
 
Yomg'ir ham kuylasa yoqimli, zebo,
Sizga deb sehrli maqom yo'lladim.

Gar Quyosh jilmayib tursa mastona,
Mehrimdan eng shirin taom yo'lladim,

Qushlarning xonishi tinmasa biling,
Kavsardan bir ishqiy kalom yo'lladim…

13.07. 2011 ©

Ёдимда эмас,
Дилимда қолган.
Сенга аталган
Осмон қўшиғим,
Куйинг қолган-у,
Изинг йўқолган.
Сен ҳамон ўша
Осмон қўшиғим.
Осмоним дейман-у,
Ерда турибман.
Дилимга жо бўлган
Армон қўшиғим.
Қўшиқмас, балки
Менинг тақдирим,
Осмонга айланган
Орзу қўшиғим.

(с) 2004

Ҳажрингда ўт каби куйиб кул ўлай,
Ишқ ила ул жонни садпора қилай...
Қуллик айламакка насиб ўлмасам,
Юракдин айри жаҳаннам бўлай...

Ёмонда қолдиму бўлмадим авло,
Ва лек «жон» «алиф»ин кўраман раво.
Заррадек анда кўролсанг ғубор,
Мангу айрилиққа айла гирифтор...

©

Забоним яратдинг, сўзласин дея,
Нигоҳимни ирфон изласин дея.
Айладинг юракни иноят яна,
Ишқимда хато йўл чизмасин дея...

(с) 24/09/2011

Яширдим энг латиф сирларим каби,
Сен учун яралган соғинчларимни.
Дийдор кўришганда қизғандим яна,
Ошкора айтмоққа севинчларимни.

Баҳоринг каби илк қалбингга кирдим,
Талпиндим сен томон, қуёшинг бўлиб.
Ҳаёт гўзаллигин мен сенда кўрдим,
Кўкда ой сингари чиройга тўлиб...

Мен сени яширдим, мўъжаз дилимга,
Рашк этиб, дунёнинг зеболаридан.
Шу онда бир калом келмас тилимга,
Ишқимнинг энг гўзал ҳаёларидан.

Эй, менинг шодликка ўранган гулим,
Вафо диёридан топганман сени.
Кавсар юрагингда топгайдир қўним,
Фақат сен ҳаммадан яширгин мени...

Кавсар, 2011, 22. 09. (с)